Xivada huquq-tartibot xodimlari soliq qarzdorligini pul evaziga noqonuniy “hal qilish”ga urinishning oldini oldi. Gumonlanuvchilar minglab dollar olib, soliq qarzdorligini bartaraf etishni va’da qilgan.

Bosh prokuratura huzuridagi departament matbuot xizmati ma’lumotlariga ko‘ra, bir fuqaro kompaniya rahbarining ishonchiga kirib, Xorazm viloyati sud ijrochilari assotsiatsiyasi raisi orqali korxonaning 608 million so‘mlik soliq qarzini hisobdan chiqarishni va’da qilgan.

Xizmatlari uchun u 3 ming dollar olgan va jinoyat ustida qo‘lga olingan. Keyingi tadbirlar davomida sud ijrochilari raisi ham 500 dollar olayotganda ushlangan.

Ushbu holat bo‘yicha Jinoyat kodeksining 168 (Firibgarlik) va 211 (Pora berish) moddalari bilan jinoyat ishi qo‘zg‘atilgan. Tergov harakatlari davom etmoqda.

Avvalroq Namangan viloyatida Chust tumani bosh soliq inspektori va uning sherigi ishtirokidagi korrupsion sxema fosh etilgan edi. Ular 376,6 million so‘mlik soliq qarzini 20 million so‘m evaziga noqonuniy hisobdan chiqarishga urinishgan.

Source: podrobno.uz