Abu-Dabi shahrida bo'lib o'tgan UFC 333 turniri doirasida o'ta yengil vazn toifasidagi jang yakunlandi. Mazkur qarama-qarshilik o'zbekistonlik sportchi uchun muvaffaqiyatsiz yakun topib, uning uzoq davom etgan g'alabali yurishi to'xtatildi.

Britaniyalik jangchi Kavana raqibini birinchi raundning o'zidayoq texnik nokautga uchratgani malum qilindi. Hal qiluvchi pallada Britaniya vakili aniq apperkot zarbasi bilan Temirovni nokdaunga tushirgan, shundan so'ng parterdagi muvaffaqiyatli hujumlar orqali jang muddatidan avval yakunlangan.

Hakam bellashuvni 4-daqiqayu 28-soniyada to'xtatishga majbur bo'ldi. Ushbu mag'lubiyat natijasida o'zbekistonlik sportchining 12 ta g'alabadan iborat seriyasi uzildi va u UFC tashkilotidagi ilk mag'lubiyatini qabul qilib oldi. Endilikda uning professional faoliyatidagi umumiy ko'rsatkichi 20 ta g'alaba va 3 ta mag'lubiyatni tashkil etmoqda.

Source: uznews.uz