Payme mobil ilovasi mijozlar uchun yangi qulaylikni joriy qildi – endi to‘lov jarayonida hamkorlarning loyallik dasturlari bo‘yicha bonuslar avtomatik ravishda hisoblanadi. Bu funksiya mijozlarga alohida loyallik kartasini ko‘rsatish yoki telefon raqamini aytish zaruratini yo‘q qiladi, shunchaki Payme Go orqali to‘lov amalga oshirilganda bonuslar o‘z-o‘zidan hisoblanadi.

Yangi tizimning asosiy afzalligi vaqtni tejash va qulaylikdir. Mijozlar plastik kartani olib chiqish, qo‘shimcha harakatlar qilish yoki esdan chiqarilgan kartalar haqida tashvishlanishi shart emas. Bundan tashqari, agar foydalanuvchi Payme Plus obunasiga ega bo‘lsa, u holda har bir to‘lovdan qo‘shimcha 1% keşbek olish imkoniyati mavjud, bu esa bir xarid uchun uch xil bonus olish imkonini beradi.

Funksiyadan foydalanish uchun Payme ilovasidagi telefon raqami loyallik kartasiga bog‘langan raqam bilan mos kelishi kerak. Mijoz kartani ilovaga bir marta qo‘shgandan so‘ng, barcha jarayonlar avtomatik ravishda amalga oshadi. Hozirda bu xizmat Korzinka, Bloom, Dilmuss, Button, Ozbe va Sport Nutrition kabi do‘konlarda mavjud, kelajakda hamkorlar ro‘yxati kengaytirilishi rejalashtirilgan.

Source: podrobno.uz