Rossiya Mudofaa vazirligi ma’lumotiga ko‘ra, Rossiyaning harbiy samolyoti Qrim yarim orolida qulab tushib, bortdagi 29 kishi halok bo‘lgan. Vazirlik bu hodisani “texnik nosozlik” bilan bog‘lab, samolyotga tashqi zarar yetmaganligini, ya’ni raketa, dron yoki qushlar urishidan shubhalanilmaganligini ta’kidladi.

An-26 samolyoti “oddiy parvoz” paytida aloqani uzganidan keyin dushanba kuni qoldiqlari topilgan. Samolyotda yetti nafar ekipaj a’zosi va 23 nafar yo‘lovchi bo‘lgan, ular Qrim ustidan parvoz qilayotgan edi. Rossiya bu yarim orolni 2014-yilda noqonuniy ravishda o‘ziga qo‘shib olgan.

Rossiya Tergash qo‘mitasi halokatni tasdiqlab, parvoz xavfsizligi buzilishi bo‘yicha tergov ochgan. TASS axborot agentligi xabar berishicha, samolyot bilan aloqa mahalliy vaqt bilan 18:00 atrofida uzilgan va qidiruv-qutqaruv ishlaridan so‘ng qoldiqlar aniqlandi. Ukraina bu hodisaga hozircha izoh bermagan.

An-26 – Sovet davrida ishlab chiqarilgan harbiy samolyot bo‘lib, asosan og‘ir yuk va oz sonli yo‘lovchilarni qisqa-orta masofaga tashish uchun ishlatiladi. Uni Ukraina aviatsiya kompaniyasi Antonov ishlab chiqargan. Ushbu samolyotlar 1960-yillardan beri foydalanilmoqda va bir necha halokatli hodisalarda qatnashgan.

2020-yilda Xarkovda Ukraina An-26 samolyoti qulab tushib, asosan kursantlardan iborat 26 kishi halok bo‘lgan. 2021-yilda Rossiyaning Uzoq Sharqida 28 kishi, 2022-yilda esa Ukraina Zaporijya viloyatida bir kishi halok bo‘lgan. Qrimda Ukraina va Rossiya kuchlari o‘rtasidagi janglar to‘rt yil oldi Moskva tomonidan boshlangan to‘liq miqyosdagi bosqindan beri davom etmoqda.

Source: www.bbc.com