Qozog‘istonning sobiq iqtisodiyot vaziri Quandiq Bishimbayevning amakivachchasi Bahitjan Bayjanov jazoni o‘tash muddatidan oldin ozod qilindi. U Saltaanat Nukenovaning o‘ldirilishi bilan bog‘liq jinoyatni yashirganlikda ayblanib, to‘rt yilga qamalgan edi.

Bayjanovning advokati G‘aziz Intiqboyevning ma’lum qilishicha, sud amnistiya aktini qo‘llab, uni zudlik bilan ozod qilishga qaror qilgan. Hukm chiqarilgan paytda uning jazo muddatidan atigi uch oy qolgan edi.

Avvalroq, 2024-yilda Bayjanov amnistiya asosida muddatni qisqartirishni so‘rab murojaat qilgan, biroq bu rad etilgan edi.

Eslatib o‘tamiz, Saltaanat Nukenova 2023-yil 9-noyabrda Ostona shahridagi Gastro Center restoranida o‘ldirilgan. Quandiq Bishimbayev rafiqasini bir necha soat davomida shafqatsizlarcha kaltaklagan va u bosh miya shikastlanishidan vafot etgan.

Tergov davomida Bishimbayev amakivachchasi Bayjanovdan restorandagi kuzatuv kameralari yozuvlarini o‘chirishni so‘ragani aniqlangan. Aynan shu harakatlar uning og‘ir jinoyatni yashirganlikda ayblanishiga asos bo‘lgan.

2024-yil may oyida Bishimbayev 24 yilga, Bayjanov esa 4 yilga qamalgan edi. Bu ish Qozog‘istonda keng jamoatchilik e’tiborini tortgan va “Saltaanat qonuni” qabul qilinishiga sabab bo‘lgan bo‘lib, unda oilaviy zo‘ravonlik uchun jazo kuchaytirilgan.

Source: podrobno.uz