Stalin davridagi qatağon qurbonlarini xotirlaşga bağişlangan anʼanaviy «Ismlarni qaytariş» xotira aksiyasi bu yil dunyoning 101 şahrida tashkil etildi. DW naşrining xabar berişicha, mazkur tadbir har yili 29-oktabr — Siyosiy qatağon qurbonlarini xotirlaş kuni arafasida o‘tkazilib, qatnashchilar sovet tuzumi davrida jabr ko‘rganlarning ismlarini birma-bir o‘qib eshittirishadi.

Germaniyaning o‘zida bu kabi xotira tadbirlari 15 ta yirik shaharda, jumladan Berlin, Myunxen, Gamburg, Kyoln va Bonn kabi aholi punktlarida bo‘lib o‘tgan. Fransiyaning parij shahrida esa ushbu aksiyani «Memorial Fransiya» uyushmasi muvofiqlashtirgani hamda ishtirokchilar Menilmontan xiyobonidagi yodgorlik oldiga to‘plangani maʼlum qilindi.

Rossiya rasmiylari tomonidan 2020-yildan beri ushbu aksiyani o‘tkazishga turli bahonalar, jumladan, sanitariya-epidemiologik cheklovlar ortidan ruxsat berilmayotgani taʼkidlanmoqda. Xalqaro «Memorial» jamiyati tugatilib, uning faoliyati taqiqlanganidan so‘ng, mamlakat ichidagi tarixiy xotirani saqlashga qaratilgan mustaqil tashabbuslarga nisbatan bosimlar keskin kuchaygani aytiladi.

Shunga qaramay, ayrim manbalarning iddao qilishicha, bu yil Rossiyaning o‘zida ham taqiqlovlarga qaramay baʼzi mustaqil xotira tadbirlari uyushtirilgan. Xususan, Irkutsk viloyati, Kirov va Velikiy Novgorod kabi hududlarda shunday urinishlar bo‘lgani xabar qilindi. Moskvadagi Lubyanka maydonida joylashgan Solovetsk toshiga esa Yevropa mamlakatlari diplomatlari tashrif buyurib, gul qo‘yishgan.

Source: kun.uz