Nigeriyaning Delta shtatidagi Ozoro shahrida o‘tkazilgan Alue-Do unumdorlik festivali paytida yosh yigitlar tomonidan ayollarni quvib, kiyimlarini yirtib, hujum qilishlarini ko‘rsatuvchi videolar ijtimoiy tarmoqlarda tarqaldi. Bu videolar keng jamoatchilik noroziligiga sabab bo‘lib, #StopRapingWomen xeshtegi trendga aylandi va gender asosidagi zo‘ravonlik uchun javobgarlik talab qilindi.

Delta shtati politsiyasi 15 shubhali shaxsni qamoqqa olganini e’lon qildi. Politsiya vakili Bright Edafe videolardan aniqlangan bir qancha shaxslar shtat Jinoyat tergov boshqarmasiga (CID) topshirilganini aytdi. U videolardagi manzaralarni “hayratlanarli, jirkanch va uyatli” deb ta’rifladi, amkin festival bilan bog‘liq rasmiy zo‘rlash xaqida hech qanday ariza berilmaganligini ta’kidladi.

Ba’zi guvohlar, faollar va mahalliy aholi ayollarga festivalning ayrim qismlarida uydan chiqmaslik haqida ogohlantirilganligini, tashqarida ko‘ringan ayollarni esa ataylab nishon olinganini aytishmoqda. Bu an’ana qopqog‘i ostida jinsiy zo‘ravonlik tashkil etilgan yoki ruxsat berilgan degan tashvishlarni keltirib chiqardi.

Huquq himoyachilari, hech kim zo‘rlanganmi yoki yo‘qmi, aniq bo‘lmasa ham, majburiy kiyim yirtish, ushlash va ommaviy xo‘rlash kabi hujumlar Nigeriya qonunlariga ko‘ra jiddiy gender asosidagi zo‘ravonlik hisoblanadi, deb ta’kidlaydi. Ozoro qiroli Alue-Do festivali jinsiy tajovuzni ma’qullamaydi, balki uni “ba’zi yoshlar tomonidan noto‘g‘ri talqin qilingan va suiiste’mol qilingan” unumdorlik marosimi deb izohladi.

Nigeriyaning birinchi xonimi Oluremi Tinubu, Delta shtatidan bo‘lgan, da’vo qilingan hujumlarni qoraladi va xavfsizlik organlaridan barcha aybdorlarni sudga berishni talab qildi. U hech qanday madaniyat ayollar va qizlarga nisbatan zo‘ravonlikni oqlay olmasligini aytib, politsiyani yaqinda qilgan qo‘lga olishlari uchun maqtadi va jabrlanuvchilarga tibbiy va psixologik yordam so‘rashni rag‘batlantirdi.

Source: www.bbc.com