Amerika Qo‘shma Shtatlari Federal rezerv tizimi (FRS) foiz stavkalarini 3,5-3,75 foiz oralig‘ida saqlab qolish to‘g‘risida qaror qabul qildi. Bu qaror, asosan, iqtisodchilarning kutganlariga mos keladi.

Markaziy bankning qarori AQShning Eronga qarshi urushi va Yaqin Sharqdagi keskinliklar fonida qabul qilindi. Bu holat global iqtisodiyotga jiddiy bosim o‘tkazmoqda.

FRS raisi Jerom Pauell rahbarligidagi ikki kunlik yig‘ilish yakunida e’lon qilingan qaror, CME FedWatch ma’lumotlariga ko‘ra, 100 foiz kutilgan edi.

Neft bozoridagi inflyatsion bosim va ish bozoridagi turg‘unlik markaziy bank qaroriga ta’sir ko‘rsatgan asosiy omillardir. AQSh Mehnat departamenti kelasi hafta yangi ish o‘rinlari hisobotini e’lon qilishi kutilmoqda.

“Yaqin Sharqdagi voqealar iqtisodiy istiqbolga nisbatan yuqori darajadagi noaniqlikni keltirib chiqarmoqda”, deyiladi markaziy bank bayonotida.

“Ish o‘rinlarining o‘sishi past darajada qolmoqda va ishsizlik darajasi so‘nggi oylarda deyarli o‘zgarmadi. Inflyatsiya, qisman global energiya narxlarining oshishi tufayli, yuqoriligicha qolmoqda”, deyiladi bayonotda.

Ushbu qaror, shuningdek, Trampning Pauell o‘rniga tayinlagan Kevin Uorsh Senat bank qo‘mitasi tomonidan partiyaviy ovoz bilan ma’qullanganidan keyin qabul qilindi. Endi uning nomzodi Senat to‘liq majlisida ko‘rib chiqiladi.

Source: www.aljazeera.com