Gretsiya mudofaa vaziri Nikos Dendias shanba kuni Lefkada oroli yaqinida topilgan dengiz droni uchun “xorijiy davlat”ni aybladi. Uning so‘zlariga ko‘ra, qurilma Gretsiya hududiy suvlaridan tashqarida topilgan va uning tarkibi haqida ma’lumotlar mavjud.

Dron payshanba kuni bir baliqchi tomonidan qirg‘oq g‘orida topilgan va keyinchalik tekshirish uchun materikdagi harbiy bazaga olib ketilgan. Gretsiya harbiy manbasiga ko‘ra, bortda portlovchi moddalar topilgan va qurilma Afinaga xavfsiz tashish uchun zararsizlantirilgan.

Harbiy ekspertlarning fikricha, ushbu uchuvchisiz suv usti vositasi Ukraina Qurolli Kuchlari tomonidan Qrimdagi rus kemalariga qarshi qo‘llaniladigan Magura sinfidagi dengiz droniga “o‘xshaydi”. Kiyev rejimi O‘rta dengizda rus “soya floti”ga tegishli neft tankeriga havo dronlari bilan hujum qilganini ham tan olgan.

Ukraina razvedkasi manbasining ta’kidlashicha, dekabr oyida QENDIL tankeriga zarba berilgan va u “jiddiy zarar ko‘rgan”. Reyter agentligi dengiz xavfsizligi manbasiga tayanib, dron katta yukning bir qismi bo‘lishi yoki signal uzilishi sababli yo‘nalishdan chiqib ketgan bo‘lishi mumkinligini xabar qilgan.

Source: www.dw.com