Buyuk Britaniya hukumat aloqa markazi (GCHQ) direktori Enn Kist-Butler birinchi marta ochiqchasiga Rossiya armiyasining Ukrainadagi urushdagi yo‘qotishlari haqida ma’lumot berdi. Uning so‘zlariga ko‘ra, mojaro boshlanganidan beri deyarli 500 ming rus askari halok bo‘lgan.

Kist-Butlerning ta’kidlashicha, Putin jang maydonida orqaga chekinmoqda va yangi razvedka ma’lumotlari Rossiyaning katta yo‘qotishlarini ko‘rsatmoqda. Bu beshinchi yil davom etayotgan urushda Britaniyaning yuqori martabali amaldori tomonidan aytilgan eng katta raqamdir.

Avvalroq G‘arb tahlil markazlari Rossiyaning yo‘qotishlarini ancha past baholagan edi. Vashingtondagi Strategik va Xalqaro Tadqiqotlar Markazi (CSIS) 2026 yil yanvarida taxminan 325 ming o‘lgan haqida xabar bergan. CSIS ma’lumotlariga ko‘ra, jami yo‘qotishlar (yaradorlar va asirlar bilan) 1,2 million kishiga yetgan.

Mustaqil ro‘yxatga ko‘ra, “Mediazona” va BBC rus xizmati kamida 221 ming rus askarining o‘limini hujjatlashtirgan. CSIS tahlilchilari Rossiyaning yo‘qotishlarini “misli ko‘rilmagan” deb atab, Ikkinchi jahon urushidan beri hech bir yetakchi davlat bunday katta harbiy yo‘qotishlarga duch kelmaganini ta’kidlagan.

Ukraina uchinchi armiya korpusi qo‘mondoni Andrey Biletskiy Reutersga bergan intervyusida Rossiya armiyasi og‘ir yo‘qotishlar tufayli charchagan va yirik hujum operatsiyalarini o‘tkazishga qodir emasligini aytgan.

Source: kun.uz