Keniyaning markaziy qismidagi Nanyuki shahrida yuzlab yoshlar Laikipia havo bazasida AQSh fuqarolari uchun tashkil etilishi rejalashtirilgan Ebola karantin markaziga qarshi namoyishga chiqdi.

Namoyishchilar mahalliy aholi xavfli virusga duchor bo‘lishidan qo‘rqib, markazning ochilishiga yo‘l qo‘ymaslikni talab qilmoqda. Ular, shuningdek, Keniyaning zaif sog‘liqni saqlash tizimi chet ellik bemorlarni qabul qilishga qodir emasligini ta’kidlamoqda.

Keniya Oliy sudi ikki kun avval karantin markazi tashkil etish va xorijlik bemorlarni olib kelishni vaqtincha to‘xtatgan edi. Bu qaror Keniya Advokatlar Jamiyati va konstitutsiyaviy nazorat tashkilotining da’vosidan so‘ng qabul qilindi.

AQSh rasmiylari 50 o‘rinli karantin markazi juma kunigacha ishga tushirilishini ma’lum qilgan edi. AQSh Davlat kotibi Marko Rubio Keniyaning Ebola oldini olish harakatlariga 13,5 million dollar ajratilishini e’lon qildi.

Laikipia gubernatori Joshua Irungu mahalliy aholi havo bazasida ishlayotgani sababli ular virusga duchor bo‘lishi mumkinligini aytib, markazga qarshi chiqdi. Keniyada Ebola holati qayd etilmagan, ammo qo‘shni Ugandada 9 ta holat aniqlangan.

Source: www.aljazeera.com