Avstriya poytaxti Vena shahrida sobiq suriyalik general sud oldida o‘z aybiga iqror bo‘lmadi. Brigada generali Xolid al-Halabiy 2025-yil 23-iyun kuni boshlangan sud jarayonida qiynoq, majburlash va jinsiy zo‘ravonlik kabi ayblovlarni rad etdi.

63 yoshli al-Halabiy va 54 yoshli politsiya polkovnigi Musab Abu Rukba 2011-yil apreldan 2013-yil martgacha Raqqa shahrida muxolifatchilarni qiynoqqa solganlikda ayblanmoqda. Ikkalasi ham 10 yilgacha qamoq jazosiga hukm qilinishi mumkin.

Prokuratura ularni “bir necha marta norozilik harakati a’zolariga nisbatan yomon munosabatda bo‘lishni buyurgan yoki bunga qarshi chiqmagan” deb aybladi. Halabiy esa qo‘mondonligi davrida qiynoqlar bo‘lmaganini da’vo qildi.

Sud jarayoni 30-iyungacha davom etishi kutilmoqda. Suriya va Yevropada yashovchi jabrlanganlar guvohlik berishi rejalashtirilgan. Bu ish Suriya fuqarolar urushi jinoyatlari bo‘yicha Yevropada ko‘rilayotgan bir qator sudlardan biridir.

Source: www.aljazeera.com