️ Isroil rejimi Falastin ayollar milliy futbol jamoasining 20 yoshli futbolchisi Rand Xalavoniyning hibsda saqlash muddatini uzaytirdi. U seshanba kuni Quddusda so'roqqa chaqirilganidan keyin hibsga olingan edi.

️ Falastin Futbol Assotsiatsiyasi (PFA) bu qarorni qoralab, Xalavoniy va sobiq terma jamoa o'yinchisining hibsga olinishini "yakka hodisa emas, balki Falastin sportchilariga qarshi tizimli hujumlarning bir qismi" deb atadi.

️ Quddus gubernatorligi ma'lumotlariga ko'ra, Isroil rejimi sudi chorshanba kuni Xalavoniyning hibsini juma kunigacha uzaytirgan. Shuningdek, seshanba kuni Isroil harbiylari sobiq futbolchi Natali Abu Diyex va yana uch nafar yosh falastinlik ayolni G'arbiy Sohilda hibsga olgan.

️ Isroil harbiylari to'rt nafar ayolni "terrorchilik faoliyatini targ'ib qilishda" gumon qilmoqda. Birzeit universiteti esa bu hibslarni Isroilning "Falastin ta'limiga qarshi tizimli siyosati" deb qoraladi.

️ Iordaniya va Muqaddas Yerdagi Evangelist Lyuteran cherkovi episkopi Imod Haddad Natali Abu Diyexning ozod etilishini talab qildi. U oilasi qizning qayerga olib ketilganini bilmasligidan hayratda ekanini bildirdi.

️ Mahbuslar klubi ma'lumotlariga ko'ra, hozirda Isroil qamoqxonalarida 89 nafar falastinlik ayol, jumladan uch nafar voyaga yetmagan va uch nafar homilador ayol saqlanmoqda. May oyi oxirida 9400 dan ortiq falastinlik Isroil qamoqxonalarida ekani e'lon qilingan edi.

Source: www.aljazeera.com