Nepal sherpasi Dava Sherpa (Hillary Dava nomi bilan tanilgan) 29-may kuni Everest cho‘qqisiga chiqish chog‘ida yo‘qolib, deyarli bir hafta o‘tgach, tirik holda topildi. U 8 849 metrlik cho‘qqiga chiqishga urinayotgan polshalik alpinist bilan birga edi.

Dava Sherpa 50 yoshdan oshgan bo‘lib, u Camp III va Camp IV oralig‘ida g‘oyib bo‘lgan. Uning qanday qilib guruhdan ajralib qolgani noma’lum. U oziq-ovqat, suv va kislorodsiz, xavfli Khumbu muzliklari orqali omon qolgan.

Sagarmatha ifloslanishni nazorat qilish qo‘mitasidan Lama Kazi Sherpa ma’lum qilishicha, Dava o‘z jamoasi tomonidan Khumbu muzliklari yaqinida topilgan va xavfsiz holda pastga tushirilgan.

Turizm departamentining Everest bazaviy lageri boshlig‘i Ximlal Gautamning so‘zlariga ko‘ra, qidiruv ishlari kechiktirilgan, chunki Dava bir kompaniyadan ruxsat olgan, ammo boshqa kompaniya bilan chiqishga urinayotgan edi. Bu qutqaruv jarayonini murakkablashtirgan.

Nepal Mount Everest alpinizm kompaniyasi ijtimoiy tarmoqdagi postida bu voqeani “mo‘jiza” deb atadi. Mavsum davomida 1000 ga yaqin alpinist Everest cho‘qqisiga chiqqan, kamida besh kishi halok bo‘lgan.

Source: www.dw.com