AQShning Ogayo shtati Toledo shahridagi Old West End Festivali yaqinida sodir bo‘lgan otishmada kamida 12 kishi yaralandi. Politsiya ma'lumotlariga ko‘ra, ikki jabrlanuvchining ahvoli og‘ir.

Toledo politsiyasi boshlig‘i o‘rinbosari Jo Xeffernning aytishicha, kamida ikki kishi bir-biriga qarata o‘q uzgan. Gumonlanuvchilar hozircha qo‘lga olinmagan va qidiruv ishlari davom etmoqda.

Hodisa 1-iyun kuni mahalliy vaqt bilan soat 17:37 da ro‘y bergan. Politsiya ijtimoiy tarmoqlarda ko‘p sonli qurbonlar borligini va ular kasalxonaga yetkazilganini ma'lum qildi.

Ogayo gubernatori Mayk Dvayn zo‘ravonlikdan chuqur xavotirda ekanini bildirib, yozgi festivallar oilalar uchun xavfsiz joy bo‘lishi kerakligini ta'kidladi.

Old West End Festivali ikki kunlik tadbir bo‘lib, jonli musiqa, oziq-ovqat savdogarlari va uy turlarini o‘z ichiga oladi. Toledo jamoat xavfsizligi direktori Jorj Kralning so‘zlariga ko‘ra, festivalda bir necha yuz kishi bo‘lgan.

AQShda har yili minglab odamlar o‘q jarohatlaridan vafot etadi. Gun Violence Archive ma'lumotlariga ko‘ra, joriy yilda 172 ta ommaviy otishma qayd etilgan.

Source: www.dw.com