Xitoyning Guansi tibbiyot universiteti ikkinchi shifoxonasi jarrohlari birinchi marta miya o‘limi tashxisi qo‘yilgan 53 yoshli bemorga genetik modifikatsiyalangan cho‘chqaning ikki buyragi va jigarini ko‘chirish operatsiyasini amalga oshirdi.

Operatsiyadan so‘ng ko‘chirilgan organlar deyarli besh kun davomida ishladi. Keyin bemorning oilasi iltimosiga ko‘ra eksperiment to‘xtatildi. Bu insoniyat tarixida bir vaqtning o‘zida bir nechta cho‘chqa organlari ko‘chirilgan ilk holatdir.

Bunday operatsiyalar ksenotransplantatsiya deb ataladi – bu bir turdan ikkinchi turga organ yoki to‘qima ko‘chirishdir. Texnologiya hali eksperimental bosqichda bo‘lsa-da, olimlar kelajakda donor organlar tanqisligi muammosini hal qilishga yordam berishiga umid qilmoqda.

Avvalroq avstraliyalik bir bemor sun’iy yurak bilan rekord darajadagi 100 kun yashab, donor organ ko‘chirilishini kutgani xabar qilingan edi.

Source: podrobno.uz