Hindistonning shimoliy-sharqiy shtati Assamda harbiy samolyot halokatga uchradi. Rasmiylarning maʼlumotiga ko‘ra, bortdagi besh nafar harbiy xizmatchi halok bo‘lgan.

Hindiston Harbiy havo kuchlari (IAF) bayonotida An-32 transport samolyoti Jorxat hududida “muntazam parvoz” vaqtida “halokatga uchragani” aytilgan. Samolyot ekipaji va yo‘lovchilari haqida batafsil maʼlumot berilmagan.

Harbiy havo kuchlari matbuot xizmati xabariga ko‘ra, hozirda halokat joyida qutqaruv ishlari olib borilmoqda va dastlabki tergov boshlandi. Voqea sabablari aniqlanmoqda.

NDTV telekanali halokat joyidan suratlarni namoyish etdi: ularda qalin qora tutun va samolyot bo‘laklarga bo‘linib ketgani ko‘rinib turibdi.

Hindiston harbiy havo kuchlari 105 ga yaqin An-32 samolyotlaridan foydalanadi. Ular asosan yuk va odamlarni tashish uchun mo‘ljallangan.

Ikki dvigatelli turbovintli samolyot ishtirokidagi so‘nggi yirik halokat 2019-yilda Xitoy bilan chegaradosh Arunachal-Pradesh shtatida sodir bo‘lgan edi. O‘shanda 13 kishi halok bo‘lgan edi.

Source: www.aljazeera.com