Pokistonning janubi-g‘arbiy qismida yo‘lovchi avtobusi magistral yo‘ldan chiqib, jarlikka quladi. Rasmiylarning ma’lum qilishicha, halok bo‘lganlar soni 40 kishiga yetgan.

“Quvadadan Peshovarga yo‘l olgan avtobus tog‘li Dana Sara hududida chuqur jarlikka quladi”, – deydi Zhob tumani favqulodda vaziyatlar markazi rahbari Sanaulloh Sherani AFP agentligiga. Uning qo‘shimcha qilishicha, avtobus taxminan 21-24 metr chuqurlikdagi jarlikka tushgan.

Voqea juma kuni erta tongda Baluchiston va Xayber-Paxtunxva viloyatlari chegarasidagi olis hududda sodir bo‘lgan. Baluchiston hukumati vakili Shahid Rindning so‘zlariga ko‘ra, tezlikni oshirgan avtobus boshqaruvni yo‘qotib, toshloq jarlikka qulagan.

Rasmiylarning ta’kidlashicha, avtobus nafaqat o‘z yo‘lovchilarini, balki boshqa bir nosoz avtobusdan o‘tkazilgan yo‘lovchilarni ham olib ketayotgani sababli haddan tashqari to‘lib ketgan. Qutqaruvchilar halok bo‘lganlarning shaxsini aniqlash ustida ishlamoqda.

Pokiston Prezidenti Asif Ali Zardari avtobus halokati munosabati bilan chuqur qayg‘u izhor qilib, marhumlarning oilalariga ta’ziya bildirdi va jarohatlanganlarning tezroq sog‘ayishini tiladi.

Source: www.aljazeera.com