️ Niderlandiya Qirollik Futbol Assotsiatsiyasi (KNVB) jahon chempionatidan chiqib ketish ortidan ijtimoiy tarmoqlarda irqiy mazmundagi xabarlar tarqalgani sababli prokuraturaga shikoyat bilan murojaat qildi.

️ Oranje terma jamoasining dushanba kuni Marokashga penaltilar seriyasida mag‘lub bo‘lishi, ayniqsa qora tanli gollandiyalik futbolchilarga qaratilgan onlayn haqoratlarning ko‘payishiga sabab bo‘ldi.

️ KNVB juma kuni ushbu xabarlarni keyingi huquqiy choralar ko‘rish uchun prokuraturaga topshirganini ma’lum qildi. Assotsiatsiya bayonotida: “Afsuski, har bir irqiy reaksiyani aniqlash va ushlash imkonsiz, ammo KNVB juda aniq signal yubormoqchi. Chegaralar bor va bu chegaralarni buzganlar oqibatlarga duch keladi”, deyiladi.

️ Uch karra finalchi jamoa dushanba kuni Meksikaning Monterrey shahridagi 1/32 final uchrashuvida 1:1 hisobidagi durangdan so‘ng penaltilar seriyasida Marokashga yutqazdi.

️ KNVB ma’lumotlariga ko‘ra, penaltini o‘tkazib yuborgan uch futbolchi – Yustin Klyuvert, Kventen Timber va Kraysensio Samervill – o‘yindan so‘ng “irqiy va kamsituvchi” haqoratlarga duchor bo‘lgan.

️ Bosh vazir Rob Yetten juma kuni jurnalistlarga prokurorlardan ibratli chora ko‘rishni kutayotganini aytdi. U 1/32 final uchrashuvidan keyin sodir bo‘lgan voqealarni “mutlaqo nomaqbul” deb atadi. “Bir lahza ular ‘bizning yigitlarimiz’ va to‘q sariq formada bo‘lganlarida ularning rangini ko‘rmaymiz. Keyin kimdir penaltini o‘tkazib yuborsa, har tomondan nafrat oqadi”, deya qo‘shimcha qildi bosh vazir.

Source: www.aljazeera.com