Turkiya Prezidenti Rajab Toyyib Erdo‘g‘on Yaqin Sharqdagi tinchlik harakatlari mintaqaviy qo‘llab-quvvatlanmasdan muvaffaqiyatga erisha olmasligini aytdi.

Shanba kuni Istanbulda pokistonlik hamkasbi Bosh vazir Shahboz Sharif bilan birga nutq so‘zlagan Erdo‘g‘on “mintaqa davlatlarining irodasi va hissasidan kuch olmagan hech qanday yechim uzoq muddatli bo‘la olmaydi” dedi.

“Biz Isroil ma'muriyatining (AQSh-Eron) kelishuvini buzishga urinishlarini diqqat bilan kuzatmoqdamiz. Hozirgi urushga mukkasidan ketgan Isroil hukumati geografiyamizni yana porox hidi va qonga botirishiga yo‘l qo‘ymaslik kerak”, — deya qo‘shimcha qildi u.

Erdo‘g‘on avvalroq Isroilni AQSh-Eron o‘zaro anglashuv memorandumini buzishga urinishda ayblagan va Isroilning G‘azo, Livan va Suriyadagi hujumlarini qayta-qayta qoralagan edi.

AQSh va Eron delegatsiyalari o‘tgan hafta Qatarda bilvosita muzokaralar o‘tkazdi. Eron tashqi ishlar vaziri o‘rinbosari Kozim G‘aribobodiy Tehron memorandum buzilishlari haqida xabar berish uchun Vashington bilan “aloqa kanali” yaratishini aytdi.

Qatar va Pokiston vositachiligida tuzilgan memorandum 60 kunlik sulh, Hormuz bo‘g‘ozining qayta ochilishi, Eron yadro dasturi bo‘yicha kelishuv va urushni butunlay tugatish bo‘yicha yakuniy shartnoma muddatini o‘z ichiga oladi.

Source: www.aljazeera.com