Buyuk Britaniya dengiz savdo idorasi (UKMTO) xabariga ko‘ra, 30 mart kuni Yaman qirg‘oqlari yaqinida yuk kemasiga noma’lum qurolli shaxslar tomonidan hujum qilindi. Hodisa Hudeida shahridan 30 dengiz mili janubi-g‘arbda sodir bo‘lgan.

UKMTO ma’lumotlariga ko‘ra, kema xavfli vaziyat haqida signal bergan va tergov olib borilmoqda. Hujumchilar kichik qayiqda yuk tashuvchi kemaga yaqinlashib, otishma ochgan, bunga javoban kemaning xavfsizlik xodimlari o‘t ochgan. Shundan so‘ng hujumchilar katta kemaga qaytib ketgan.

Hozircha hech bir guruh hujum uchun javobgarlikni o‘z zimmasiga olmagan. Biroq, Eron tomonidan qo‘llab-quvvatlanadigan Husiylar avvalroq Qizil dengizda kemalarga hujumlarni qayta boshlashga va’da bergan edi. Husiylar 2023-yildan beri G‘azodagi urush sababli yuk kemalariga hujum qilib kelmoqda.

Husiylarning hujumlari dunyodagi eng gavjum savdo yo‘nalishlaridan birida transport harakatini izdan chiqardi, ko‘plab kompaniyalar kemalarni Afrika atrofida aylantirishga majbur bo‘ldi. Shuningdek, so‘nggi paytlarda Adan ko‘rfazida Somali qaroqchilari ham faollashgan.

Source: www.dw.com