Shri-Lankaning poytaxti Kolombodan 35 km shimolda joylashgan Negombo shahridagi qamoqxonada yakshanba kuni boshlangan to‘qnashuvlar natijasida kamida 19 kishi halok bo‘ldi va 100 dan ortiq kishi yaralandi. Mahalliy tibbiyot xodimi va ommaviy axborot vositalari bu haqda xabar berdi.

Negombo kasalxonasi direktori Pushpa Gamlathning AFP agentligiga ma’lum qilishicha, shifoxonaga to‘rt nafar qamoqxona qo‘riqchisi va 15 nafar mahbusning jasadi keltirilgan. Shuningdek, 100 dan ortiq yaralangan mahbus kasalxonaga yotqizilgan.

Mahalliy Hiru telekanali to‘qnashuvlarda kamida 20 kishi halok bo‘lganini xabar qildi. Politsiya vakili Chandana Herath qamoqxonada to‘qnashuv bo‘lganini va o‘lim holatlari borligini tasdiqladi, ammo batafsil ma’lumot bermadi.

To‘qnashuvlarning sababi hozircha noma’lum. Vaziyat bo‘yicha qo‘shimcha ma’lumotlar kutilmoqda.

Source: www.aljazeera.com