Britaniya politsiyasi sobiq konservativ vazir va Brexit tarafdori Enn Uiddekomning o‘limi bo‘yicha qotillik tergovini boshladi. U 78 yoshida Devon shtatidagi uyida jiddiy jarohatlar bilan topilgan.

Detektiv bosh inspektor Ilona Rossonning so‘zlariga ko‘ra, tergov dastlabki bosqichda, ammo jadal sur'atlarda olib borilmoqda. Gumonlanuvchi oq tanli erkak ekanligi aytilmoqda.

Politsiya jinoyat motivi yoki foniga oid dastlabki ma'lumotlarni oshkor qilmagan. Rosson fuqarolarni, ayniqsa, Haytor Vale hududida shubhali narsalarni ko‘rganlarni yoki videoyozuvlarga ega bo‘lganlarni politsiyaga murojaat qilishga chaqirdi.

Uiddekom 1987-2010 yillarda Konservativ partiyadan deputat bo‘lib, 1990-yillarda Jon Meyjor hukumatida vazir lavozimlarida ishlagan. Keyinchalik Nigel Farajning Brexit partiyasi va Reform UK partiyasiga qo‘shilgan.

Politsiya tergov davomida ijtimoiy tarmoqlarda mish-mishlar tarqatmaslikka chaqirdi, chunki bu tergovga zarar yetkazishi va oila a'zolariga og‘riq keltirishi mumkin.

Source: www.dw.com