Ukraina va to‘qqiz Yevropa davlati Rossiyaning ballistik raketa tahdidiga qarshi kurashish uchun havo hujumidan mudofaa koalitsiyasini tashkil etishni e’lon qildi. Bu haqda 10 davlat rahbarlari Parijda bo‘lib o‘tgan “Irodalilar koalitsiyasi” yig‘ilishida ma’lum qilindi.

Koalitsiya tarkibiga Daniya, Fransiya, Germaniya, Italiya, Niderlandiya, Norvegiya, Ispaniya, Shvetsiya, Ukraina va Buyuk Britaniya kiradi. Ular AQShning Patriot tizimiga arzonroq muqobil sifatida yangi ballistik raketaga qarshi mudofaa tizimini ishlab chiqishni rejalashtirmoqda.

Ukraina prezidenti Volodimir Zelenskiy ittifoqchilardan ko‘proq qurol-yarog‘ so‘rab, Yevropani birgalikda havo mudofaasi tizimini yaratishga chaqirdi. Uning so‘zlariga ko‘ra, “Freyja” nomli yangi loyiha mavjud tizimlarni almashtirmaydi, balki ularni to‘ldiradi.

Fransiya prezidenti Emmanuel Makron Ukrainaga 16 ta Rafale qiruvchi samolyoti yetkazib berilishi va fransuz raketalarini ishlab chiqarish litsenziyasi berilganini ma’lum qildi. Shuningdek, Ukrainaga qo‘shni davlatlarda harbiy mashg‘ulotlar o‘tkazishga kelishib olindi.

Source: www.aljazeera.com