Keniya Oliy sudi rastafariylar guruhining nashani diniy marosimlarda qo'llashni qonuniylashtirish haqidagi iltimosini rad etdi. Sudya Bahati Mwamuye rastafariylar jamoasi giyohvand moddalar to'g'risidagi qonunlar ularning konstitutsiyaviy huquqlarini buzganligini isbotlay olmaganini aytdi.

Rastafariylar jamiyati nasha ularning muqaddas marosimi ekanligini va izdoshlarga uni o'stirish, saqlash va ibodat paytida ishlatishga ruxsat berilishi kerakligini ta'kidlagan edi. Ular nashani to'liq qonuniylashtirishni emas, balki faqat diniy maqsadlarda cheklangan istisno so'ragan.

Hukumat esa diniy istisno yaratish giyohvand moddalarga qarshi qonunlarning bajarilishiga putur etkazishi va noqonuniy nasha savdosi uchun bo'shliqlar yaratishi mumkinligini ta'kidlab, rastafariylarning da'vosiga qarshi chiqdi.

Sudya, shuningdek, rastafariylar e'tiqodida nashaning markaziy o'rni haqida taqdim etilgan dalillarni nomuvofiq va yetarli emas deb topdi. U giyohvand moddalar to'g'risidagi qonunlarning konstitutsiyaviyligini tasdiqladi.

Sudya Mwamuye nashadan foydalanishga ruxsat berish uchun mustahkam konstitutsiyaviy va huquqiy asos kerakligini ta'kidlab, milliy miqyosda keng muhokama qilish zarurligini aytdi. Rastafariylar jamiyatining advokati Danstan Omari sud qaroriga apellyatsiya berishlarini ma'lum qildi.

Source: www.bbc.co.uk