AQShning Yuta shtatida dam olish kunlari besh kishilik oila toshqin natijasida vafot etdi. Bu haqda huquq-tartibot idoralari xabar berdi.

Qurbonlar orasida o‘t o‘chirish bo‘limi kapitani Spenser Long, uning rafiqasi va uch o‘g‘li bor. Faqatgina sayrga chiqmagan qizi tirik qoldi.

Ueyn okrugi sherifi idorasining ma'lumotiga ko‘ra, oila kuchli yomg‘ir sababli yuzaga kelgan toshqinga duch kelgan. Qurbonlarning ismlari dastlab e'lon qilinmagan.

Provo o‘t o‘chirish va qutqaruv xizmati kapitan Longning o‘limini tasdiqladi. Bo‘lim bayonotida: “Kapitan Spenser Long va uning oilasining o‘limidan juda qayg‘udamiz”, deyiladi.

GoFundMe sahifasiga ko‘ra, Long, uning rafiqasi Katrina va o‘g‘illari Rid, Teyn va Geyj sel oqimida halok bo‘lgan. Er-xotinning qizi esa “bir lahzada hayoti butunlay o‘zgargan”.

Oilalar juma kuni Biknell yaqinidagi lagerga kelgan. Mahalliy vaqt bilan soat 17:00 atrofida bir yosh erkak jasad topilgan. Keyin yana ikki erkak jasadi topilgan. Shanba kuni qidiruv ishlari davomida qolgan ikki kishining jasadi topilgan.

Source: www.bbc.co.uk