Nepal markaziy qismidagi Gorkxa tumanida yuz bergan vayronkor suv toshqini va ko‘chki oqibatida yuzdan ortiq xorijiy sayyohlar xavfli hududda qolib ketgani ma'lum qilindi. Manaslu qo‘riqxona loyihasi vakili Bxuvan Raj Ojhaning so‘zlariga ko‘ra, mashhur Manaslu piyoda sayohat yo‘nalishining ayrim qismlarini suv yuvib ketishi natijasida sayohatchilar turli hududlarda harakatsiz ahvolda qolgan.

Rasmiylarning iddao qilishicha, qamalib qolgan shaxslar orasida evakuatsiya qilinishini so‘rayotganlar ham, xavfsiz joylarda sayohatni davom ettirishni istaydiganlar ham bor. Mahalliy choyxonalar va restoranlar hozircha xavfsiz hududda ekani aytilmoqda, biroq infratuzilmaning izdan chiqishi jiddiy muammolarni keltirib chiqarmoqda.

Tabiiy ofat yakshanba kuni tong saharlab Budxi Gandaki daryosining to‘silib qolishi va kutilmagan kuchli sel kelishi ortidan boshlangan. Qutqaruv xizmatlari shu paytgacha yuzlab odamlarni xavfsiz joyga ko‘chirgan bo‘lsa-da, aloqa uzilgani va oziq-ovqat zaxiralari kamayib borayotgani xavotir uyg‘otmoqda.

Hozircha halok bo‘lganlar haqida ma'lumot berilmagan, biroq besh nafar qishloq aholisi bilan aloqa uzilib qolgani xabar qilinmoqda. Qora loy va suv oqimi ikki yuzdan ortiq uyni vayron qilib, uchta gidroelektrostansiyaga jiddiy zarar yetkazdi.

Source: www.aljazeera.com