Germaniyaning Nyurnberg aeroportida Gretsiyaning Korfu orolidan uchib kelgan samolyot bilan bog'liq shubhali favqulodda holat yuzasidan huquq-tartibot idoralari tergov harakatlarini boshladi. Rasmiylarning iddaosiga ko'ra, bortda yuzaga kelgan xavotirli vaziyat sababli aeroport vaqtincha qurshovga olingan va osmonga harbiy qiruvchi samolyotlar ko'tarilgan.

Germaniya OAV xabarlariga tayanilsa, havo kemasi qo'nishdan oldin maxsus favqulodda signal uzatgan, bu esa dispetcherlarni jiddiy xavotirga solgan. Biroq, politsiya tomonidan o'tkazilgan tekshiruvlar natijasida hech qanday xavf yo'qligi aniqlangan va xavfsizlik choralari bekor qilingan, garchi hodisaning aniq sabablari darhol oshkor etilmagan bo'lsa-da.

Shu bilan birga, tongda uchuvchilar uchish yoki qo'nish vaqtida noma'lum obyektni, jumladan dron bo'lishi mumkin bo'lgan qurilmani ko'rganliklarini ma'lum qilishgan. Mazkur xabardan so'ng politsiya vertolyoti yordamida qidiruv ishlari o'tkazilgan, biroq hech qanday dron topilmagan.

Ushbu xavfsizlik choralari tufayli oltita reys kechiktirilgan, ikkita samolyot esa boshqa shaharlarga yo'naltirilgan. Yevropa rejimining transport infratuzilmasida dronlar bilan bog'liq xavfsizlik muammolari avval ham kuzatilgan bo'lib, bu kabi hodisalar tizimli kamchiliklarni yana bir bor namoyon qilmoqda.

Source: www.dw.com