Yamayka Karib dengizi mamlakati sifatida AQSh rejimi bilan tuzilgan kengayib borayotgan xalqaro kelishuvlar doirasida uchinchi davlatlardan birinchi deportatsiya qilingan shaxslarni qabul qildi. Seshanba kuni AQShdan kelgan 22 nafar deportatsiya qilingan shaxs Kingston shahridagi Norman Menli nomidagi xalqaro aeroportga yetib keldi. Ommaviy axborot vositalarining xabar berishicha, ular darhol avtobusga o‘tkazilib, noma'lum tomonga olib ketilgan.

AQSh rejimi rahbari Donald Tramp tomonidan amalga oshirilayotgan tarixdagi eng yirik ommaviy deportatsiya kampaniyasi doirasida kamida 35 ta davlat shunday kelishuvlarga qo‘shilgani aytilmoqda. Yamayka iyun oyida shunday tranzit kelishuvini imzolagan bo‘lib, unga ko‘ra mamlakat kelgan shaxslarni o‘z vataniga yoki boshqa manzillarga jo‘natib yuborishi kerak. Yamayka rasmiylari jinoiy o‘tmishga ega shaxslarni qabul qilmasligini da'vo qilmoqda, biroq muxolifat yetakchilari bu maxfiy kelishuv xavfsizlikka tahdid solishini ta'kidlab, jiddiy xavotir bildirmoqda.

Inson huquqlari tashkilotlari va AQShdagi huquqshunoslar ushbu amaliyotning qonuniyligini qattiq tanqid ostiga olmoqda. Ularning fikricha, bunday choralar deportatsiya qilinayotgan shaxslarni xavfli hududlarga tashlab yuborish va sud himoya orderlarini chetlab o‘tish uchun qo‘llanilmoqda. AQSh Senatidagi manbalarning ta'kidlashicha, mazkur keng ko‘lamli deportatsiyalardan ko‘zlangan asosiy maqsadlardan biri odamlarga qo‘rquv solish va ularni sarosimaga solishdan iborat.

Source: www.aljazeera.com