Xitoyning yirik transport markazlaridan biri bo'lgan Guanchjou janubiy vokzali 1-oktabr kuni bir million yo'lovchiga xizmat ko'rsatib, o'ziga xos rekord qayd etdi. Ushbu keskin oqim Xitoy Xalq Respublikasi tashkil topgan kun munosabati bilan e'lon qilingan bayram ta'tillari davridagi safarlar talabining keskin oshishi bilan izohlanmoqda.

Ma'lumotlarga ko'ra, mamlakatning eng yirik temiryo'l tugunlaridan biri sanalgan ushbu vokzal bir sutkaning o'zida naqd 1252 ta poyezdni jo'natdi va qabul qildi. Bu esa o'rtacha ҳisobda har bir soatda 52 tadan ortiq poyezd harakatlangani bildiradi.

Transport tizimining o'ta tig'iz vaqtlarida poyezdlarni jo'natish oralig'i rekord darajada qisqartirilib, atigi 40 soniyani tashkil etdi. Mutaxassislar bu kabi ulkan ko'rsatkichlar mamlakat infratuzilmasiga qanday og'irlik yuklayotgani va kelgusida yuzaga kelishi mumkin bo'lgan tizimli muammolarni keltirib chiqarishi mumkinligidan xavotir bildirishmoqda.

Shuningdek, xuddi shu kuni umumiy Xitoy temiryoʻl tarmogʻi boʻyicha ham misli ko'rilmagan ko'rsatkich qayd etilib, bir sutkada 25,2 million yoʻlovchi qatnovi amalga oshirildi. Rasmiy idoralar sentabr oxiridan oktabr boshigacha boʻlgan davrda jami 284 million safar amalga oshirilishini taxmin qilgan edi, biroq bu raqamlar iqtisodiy va ekologik jihatdan qanchalik asosli ekani ko'pchilikda savol tug'dirmoqda.

Source: kun.uz