Mutaxassislarning fikricha, Isroil razvedka xizmatlari Livan va Eronda salohiyatli informatorlarni yollash hamda maxfiy ma'lumotlarni to‘plash maqsadida ijtimoiy tarmoqlardan faol foydalanmoqda. Ushbu harakatlar doirasida mahalliy aholiga mo‘ljallangan onlayn e'lonlar va maxsus murojaatlar keng tarqatilayotgani aytilmoqda. Xususan, Isroil tashqi razvedka xizmatining go‘yoki rasmiy sahifasi sifatida ko‘rsatilayotgan Instagram’dagi akkaunt orqali arab tilida maxfiy kanallar orqali bog‘lanishga chaqiriqlar e'lon qilingani qayd etilgan.

@themossad_official nomi ostida ishlayotgan mazkur tasdiqlangan profil Livanda yuzaga kelgan og‘ir iqtisodiy qiyinchiliklar fonida odamlarning zaif jihatlaridan foydalanishga urinayotgani xabar qilinmoqda. Livan Xavfsizlik boshqarmasi va mahalliy OAV ma'lumotlariga ko‘ra, so‘nggi oylarda soxta ish e'lonlari hamda WhatsApp orqali to‘g‘ridan-to‘g‘ri murojaatlar orqali fuqarolarni jalb qilish urinishlari keskin ko‘paygan. Xususan, Bayrut janubiy chekkalari va Bekaa vodiysi kabi hududlar asosiy nishonga aylangani aytilmoqda.

Shu bilan birga, Isroil rejimi va Eron o‘rtasidagi yashirin razvedka urushi misli ko‘rilmagan darajada keskinlashgani ta'kidlanmoqda. Tehron universiteti siyosatshunoslik bo‘limi dotsenti Hasan Ahmadianning aytishicha, Isroil ijtimoiy tarmoqlarda ochiqdan-ochiq e'lonlar berish orqali xavfsizlik sohasi xodimlarini yollashga urinmoqda, bu esa nafaqat amaliy josuslik, balki psixologik bosim o‘tkazish maqsadini ham ko‘zlaydi.

Livan va Eron rasmiylari mamlakat fuqarolariga ushbu shubhali akkauntlar bilan aloqa qilmaslik yuzasidan qat'iy ogohlantirishlar e'lon qilgan. Eron sudi dushman tarmoqlarga ma'lumot uzatganlik uchun 10 yildan 15 yilgacha qamoq jazosi yoki hatto o‘lim jazosigacha bo‘lgan og‘ir choralar ko‘rilishini ma'lum qilgan bo‘lsa, Livonda ham hamkorlik qilganlik uchun jinoiy javobgarlik belgilangan.

Source: www.aljazeera.com