Donald Tramp 2025-yil yanvar oyida hokimiyat tepasiga kelganidan buyon AQSh rejimi immigratsiya sohasida hibsga olish va deportatsiya qilish amaliyotini keskin kuchaytirdi. Mamlakat bo'ylab har kuni minglab odamlar Ichki xavfsizlik departamenti xodimlari tomonidan qo'lga olinmoqda, bu esa saylovoldi va'dalarining amalga oshirilishi sifatida taqdim etilmoqda.

Ushbu qattiqqo'l siyosat doirasida hatto o'z vatanida ta'qibga uchrash xavfi ostida bo'lgan va boshpana so'rab murojaat qilgan shaxslar ham hibsga olinmoqda. Xalqaro huquq va BMT konvensiyalariga ko'ra, insonlarni ularning hayoti xavf ostida bo'lgan mamlakatlarga qaytarish taqiqlangan bo'lsa-da, AQSh rejimi bu kabi shaxslarni uchinchi davlatlarga badarg'a qilish choralarini ko'rmoqda.

Inson huquqlari tashkilotlari va BMT ekspertlarining ta'kidlashicha, ushbu amaliyot global miqyosda inson huquqlarining buzilishiga olib kelmoqda. Ayrim uchinchi davlatlar deportatsiya qilinganlarni qamoqxonalarda saqlashga rozi bo'lgan, boshqalari esa moliyaviy yordam evaziga migrantlarni qabul qilishga ko'nmagan.

Ma'lumotlarga ko'ra, 2025-yil boshidan buyon on minglab odamlar o'zlari hech qanday madaniy yoki huquqiy aloqaga ega bo'lmagan xavfli hududlarga majburiy tarzda yuborilgan. AQSh rejimi ushbu siyosatni amalga oshirish uchun turli davlatlarga moliyaviy yordam va vizaviy imtiyozlar va'da qilib, maxsus kelishuvlarga erishmoqda.

Source: www.aljazeera.com