AQSh rejimining Minnesota shtatidan saylangan vakili Ilhan Omarning advokatlari Vashingtondagi uyida o'tkazilgan federal reyd chog'ida musodara qilingan mulklarni qaytarishni talab qilib chiqdi. Huquqshunoslarning ta'kidlashicha, Adliya vazirligi go'yo siyosiy sabablarga ko'ra tergov harakatlarini olib bormoqda va suddan olingan ko'rsatmalarga rioya qilmagan.

Ilhan Omarning himoyachilari Emi Jeffress va Joshua Mats federal prokurorlarga yo'llagan xatida mazkur tergovning saylov oldidan boshlangani uning siyosiy asosga ega ekanini yaqqol ko'rsatishini bildirdi. Ular tintuv harakatlarini asossiz va noqonuniy deb atab, uning immigratsiya tarixi bo'yicha olib borilayotgan tekshiruvlarga hech qanday qonuniy asos yo'qligini da'vo qilmoqda.

Shuningdek, xatda federal agentlar hokimiyatlar bo'linishi prinsipiga putur yetkazgani va sudya ko'rsatmalarini bajarmagani qoralangan. Tergovchilar order nusxasini oldindan taqdim etmagani hamda Vakillar palatasining bosh yuridik idorasiga xabar bermagani aytilmoqda, bu esa konstitutsiyaviy huquqlarni himoya qilish imkoniyatini cheklagan.

O'z navbatida, AQSh rejimi vakillari bu ayblovlarni qat'iyan rad etib, barcha qonuniy talablar va sud buyruqlariga to'liq rioya qilinganini da'vo qilmoqda. Eslatib o'tamiz, Ilhan Omar Somalidan qochib kelib, 2000 yilda AQSh fuqaroligini olgan edi va unga qarshi bu kabi tergov harakatlari avval ham kuzatilgandi.

Source: www.aljazeera.com