O‘zbekiston Oliy Majlisi Qonunchilik palatasi kredit reklamasini tartibga solishni kuchaytirishga qaratilgan qonun loyihasini birinchi va ikkinchi o‘qishda qabul qildi. Parla­mentning quyi palatasi matbuot xizmati bu haqda xabar berdi.

Loyihaning tashabbuskorlari mikrokreditlar bilan bog‘liq hozirgi reklama va marketing materiallaridagi muammoga e’tibor qaratdilar. Ularning so‘zlariga ko‘ra, bunday e’lonlarda kredit olishning tezligiga urg‘u berilayotgan bo‘lsa, iste’molchilar uchun potentsial moliyaviy xavflar esa soya ostida qolmoqda.

Qonun loyihasi kredit majburiyatlarini bajarmaslik xavfi haqida majburiy ogohlantirishni joriy etishni nazarda tutadi. Tegishli o‘zgartirishlar “Reklama to‘g‘risida”gi qonunga kiritilishi taklif etilmoqda.

Hujjatga ko‘ra, ogohlantirish grafik materiallar uchun reklama maydonining kamida 10 foizini, audio va video reklamalar uchun esa vaqtning kamida 10 foizini egallashi kerak.

Kutilishicha, bu yangilik aholining moliyaviy savodxonligini oshirib, qarz olishga nisbatan mas’uliyatli munosabatni rag‘batlantiradi.

Source: kun.uz