O‘zbekiston Respublikasi Prezidentining 2024-yil 25-martdagi qarori asosida, aholini kuz-qish davrida qishloq xo‘jaligi mahsulotlari bilan ta’minlash bo‘yicha qo‘shimcha chora-tadbirlar ishlab chiqilmoqda. Huquqiy axborot Telegram-kanali ma’lumotlariga ko‘ra, respublikada issiqxona xo‘jaligini rivojlantirishning asosiy maqsadli ko‘rsatkichlari 2026–2027-yillarga belgilangan.
Xususan, Surxondaryo viloyati Sherobod tumanida zamonaviy issiqxona komplekslarini kamida 940 gektar maydonda joylashtirish rejalashtirilgan. Qayta tiklanadigan energiya manbalariga asoslangan energiya samarali isitish tizimlarining ulushi kamida 50% gacha oshirilishi ko‘zda tutilgan. Bundan tashqari, hujjatda atmosferaga zararli chiqindilar chiqaruvchi tadbirkorlar faoliyatini bosqichma-bosqich qisqartirish nazarda tutilgan.
Sherobod tumanida “Surxon-Agro” erkin iqtisodiy zonasi tashkil etilishi rejalashtirilgan. Ushbu zonada faoliyat yurituvchi issiqxona xo‘jaliklari uchun imtiyozlar va afzalliklar belgilangan. Xususan, elektron onlayn-auksionlar orqali yerlarni ijaraga berishda besh yil davomida ijara haqining nol stavkasi qo‘llaniladi. Shuningdek, uch yil muddatga sug‘orish va texnologik jarayonlar uchun chiqindi va er osti suvlaridan foydalanish uchun to‘lovdan ozod qilinadi.
Hujjatda, favqulodda holatlarda, g‘ayritabiiy sovuq ob-havo sharoitida, belgilangan ekologik talablarga rioya qilgan holda ko‘mirdan foydalanishga ruxsat berilishi ham ko‘rsatilgan. Bu choralar mamlakatda oziq-ovqat xavfsizligini mustahkamlash va qishloq xo‘jaligi sohasini modernizatsiya qilishga qaratilgan.
Source: kun.uz