O‘zbekistonda yana bir bor mualliflik huquqlarini buzish holati qayd etildi. Bu safar vafot etgan xalq artisti Sherali Jo‘rayevning ijodiy merosiga nisbatan huquqbuzarlik sodir bo‘ldi. Adliya vazirligi ma’lumotlariga ko‘ra, qo‘shiqchi Sardor Mamadaliev mashhur qo‘shiqlarni ruxsatsiz ijro etgani uchun javobgarlikka tortildi.

Vazirlikka merosxo‘r tomonidan murojaat kelib tushdi. U Mamadalievning "Ko‘rmisham", "Bandaman" va "Karvon" qo‘shiqlarini huquq egasining ruxsatisiz ijro etganini ta’kidladi. Shu asosda tekshiruv o‘tkazilib, san’atkor ustida ma’muriy protokol tuzildi va materiallar sudga yuborildi.

Namangan viloyati Chust tuman sudining qarori bilan Mamadaliev aybdor deb topildi. Unga 20 BRV miqdorida, ya’ni 8,2 million so‘m jarima solindi. Bu jarima mualliflik huquqlarini himoya qilish bo‘yicha amaldagi qonun hujjatlariga muvofiq belgilandi.

Adliya vazirligi fuqarolarni mualliflik huquqlari buzilganda 1008 ishonch telefoni orqali yoki Bu e-Posta adresi istenmeyen posta engelleyicileri tarafından korunuyor. Görüntülemek için JavaScript etkinleştirilmelidir. elektron manziliga murojaat qilishga chaqirdi. Vazirlik, shuningdek, ijodkorlarni mualliflik huquqlariga hurmat ko‘rsatish va faqat ruxsat asosida asarlardan foydalanishga undadi.

Eslatib o‘tamiz, Mamadaliev ilgari ham mualliflik huquqlarini buzgani uchun jarimaga tortilgan edi. U Farg‘onalik shoir Ilhomjon Komilovning "Sevilmagan yor kerak mena" she’rini ruxsatsiz ishlatgani uchun javobgarlikka tortilgan.

Source: podrobno.uz