O‘zbekiston Qishloq xo‘jaligi vazirligi va Fermerlar kengashi mamlakatda 18 apreldan 18 maygacha "Hayvonchilikda sanitariya-gigiyena oyligi" e‘lon qildi. Bu chora-tadbirlar ekologik muvozanatning o‘zgarishi va iqlim o‘zgarishi tufayli hayvonlar orasida yangi kasalliklarning paydo bo‘lishi xavfi ortganligi bilan bog‘liq.

Xususan, xorijiy mamlakatlarda oyoq-og‘iz kasalligining tarqalish xavfi oshmoqda. Jahon Hayvonlar Sog‘ligi Tashkiloti ma’lumotlariga ko‘ra, 2025–2026 yillarda 48 mamlakatda yangi SAT turlari qayd etilgan, ularga qarshi mavjud vaktsinalar to‘liq himoya bermaydi. Bu vaziyat O‘zbekiston hayvonchiligiga jiddiy tahdid solmoqda, chunki kasallik tez tarqalishi mumkin.

Fermerlarga quyidagi talablar qo‘yilgan: kasallikdan shubhalanganda, yuqori harorat, og‘iz va tuyoqlardagi yaralar, emchakning zararlanishi kabi belgilarni aniqlagach, darhol veterinariya shifokoriga murojaat qilish kerak. Bundan tashqari, binolarni dezinfeksiya qilish, chorva mahsulotlarini xo‘jalikdan tashqariga chiqarmaslik va sutni qaynatmasdan iste’mol qilmaslik talab etiladi.

Vaktsinatsiya bo‘yicha, yirik shoxli mol yiliga ikki marta (bahor va kuzda), qo‘ylar esa yiliga bir marta emlanadi. Zarurat bo‘lsa, 2,5–3 oydan katta barcha hayvonlar emlanadi, immunitet 15–21 kundan keyin shakllanadi. Kasallik belgilari haqida xabar berish uchun telefon raqamlari: (71-202-12-00, ichki: 210, 218, 323).

Source: kun.uz