Janubi-g‘arbiy Kolumbiyadagi Panamerika magistralida gumon qilinayotgan partizanlar tomonidan o‘tkazilgan portlash natijasida 19 kishi halok bo‘ldi, 38 kishi, jumladan besh nafar bola yaralandi. Hujum mamlakatdagi prezidentlik saylovlaridan bir oy oldin sodir bo‘ldi.

Portlash Kaukas departamentidagi Kaxibio munitsipalitetida yuz berdi. Mahalliy OAV ma’lumotlariga ko‘ra, portlovchi moslama miniavtobusga tushib, portlagan. Gubernator Oktavio Gusman voqeani “fojia” deb atab, “terroristik kuchayish” haqida ogohlantirdi.

Prezident Gustavo Petro hujumda Kolumbiyaning eng ko‘p qidirilayotgan jinoyatchilaridan biri Ivan Mordiskoni aybladi. Mordisko sobiq FARC partizan guruhining dissidenti bo‘lib, 2016-yilda imzolangan tinchlik kelishuvini rad etgan.

So‘nggi ikki kun ichida Valle del Kaukas va Kaukas departamentlarida kamida 26 ta portlash sodir bo‘lgan. Mudofaa vaziri Pedro Sanches boshchiligidagi delegatsiya vaziyatni baholash uchun mintaqaga yuborildi.

Hujumlar 31-mayga belgilangan prezidentlik saylovlari arafasida ro‘y berdi. Muxolifatdagi “Demokratik markaz” partiyasidan nomzod Paloma Valencia hukumatni zo‘ravonlikni kamaytirishda sustlikda ayblab, qurolli kuchlarni to‘liq qo‘llab-quvvatlashni talab qildi.

Source: www.dw.com