AQSh prezidenti Donald Tramp The Hugh Hewitt Show podkastiga bergan intervyusida Vashington va Tehron o‘rtasidagi mojaroning tartibga solinishi ikki-uch hafta davom etishini ma’lum qildi.

«Tramp mojaro yana ikki yoki, ehtimol, uch hafta davom etishini aytdi», — deya keltiriladi intervyuda. Prezidentning ta’kidlashicha, Vashington mojaroni hal qilish muddatlariga qattiq bog‘lanmagan.

Tramp BAA hududiga dushanba kuni uyushtirilgan o‘qqa tutishlardan so‘ng sulh rejimi tugaganmi degan savolga javob berishdan bosh tortdi.

Amerika rahbari, shuningdek, Eron boyitilgan urani foydalanishga yaroqsiz bo‘lishi mumkinligini bildirdi. «U katta qiymatga ega emas. Ehtimol, foydalanishga yaroqsizdir. Balki ular uni ajratib ololmaydilar», — dedi Tramp.

Shu bilan birga, u bu boyitilgan uranni nazoratga olish istagini bildirdi.

Source: kun.uz