O‘zbekistonda qayta tiklanuvchi energiya manbalari jadal rivojlanmoqda. 14 may holatiga ko‘ra, quyosh va shamol elektr stansiyalari jami 4 milliard kilovatt-soat elektr energiyasi ishlab chiqardi. Bu o‘tgan yilning shu davriga nisbatan 29 foizga ko‘p.

Quyosh elektr stansiyalari 2 milliard 315 million kilovatt-soat, shamol stansiyalari esa 1 milliard 685 million kilovatt-soat energiya berdi. 20 aprelda jami ishlab chiqarish atigi 3 milliard kilovatt-soatni tashkil etgan edi.

“Yashil” energetika tufayli 1 milliard kub metrdan ortiq tabiiy gaz tejalgan va atmosferaga 2,3 million tonna zararli moddalar chiqarilishining oldi olingan.

Gidroelektr stansiyalarni qo‘shib hisoblaganda, yil boshidan buyon “toza” energiya ishlab chiqarish 6 milliard 160 million kilovatt-soatga yetgan. Bu 1,6 milliard kub metr gazni tejash va 3,4 million tonna ifloslantiruvchi moddalar chiqarilishining oldini olish imkonini bergan.

Bu energiya 4,4 million xonadonni deyarli 4,5 oy davomida yoki 1,6 million oilaning yillik ehtiyojini to‘liq qoplashga yetarli.

Source: podrobno.uz