O‘zbekiston, Toshkent – Podrobno.uz. Turkiston shahrida Turkiy davlatlar tashkilotining (TDT) norasmiy sammiti boshlandi. Unda O‘zbekiston Prezidenti Shavkat Mirziyoyev ishtirok etmoqda.

Kongress-markazida davlat rahbarini Qozog‘iston Prezidenti Qasim-Jomart Toqayev kutib oldi. An’anaga ko‘ra, delegatsiyalar rahbarlarining birgalikda fotosessiyasi bo‘lib o‘tdi.

Yig‘ilish boshlanishidan oldin yetakchilar Turkiy sivilizatsiya markazi poydevoriga kapsula qo‘yish marosimida ishtirok etishdi. Qozog‘iston tomonidan taklif qilingan loyiha turkiy xalqlarning umumiy tarixiy ildizlari va madaniy merosini namoyish etishga qaratilgan.

Markaz ilmiy va gumanitar hamkorlik, ishtirokchi davlatlar o‘rtasida ma’naviy yaqinlikni mustahkamlash, shuningdek, umumiy qadriyatlar va an’analarni targ‘ib qilish maydonchasiga aylanishi kerak.

Sammit dasturi doirasida yetakchilarga Qozog‘istonning raqamli yechimlari va TDT mamlakatlarining IT va sun’iy intellekt sohasidagi qo‘shma loyihalari namoyish etildi.

Avvalroq O‘zbekiston Prezidenti Turkiy davlatlar tashkilotiga a’zo mamlakatlar delegatsiyalari rahbarlari bilan birga Turkiston tarixiy-madaniy markaziga tashrif buyurib, mintaqaning asosiy ma’naviy va madaniy meros yodgorliklari bilan tanishgan edi.

Source: podrobno.uz