O‘zbekiston Statistika qo‘mitasi ma’lumotlariga ko‘ra, 2025-yilning yanvar-mart oylarida respublikada 108,7 mingta yengil avtomobil ishlab chiqarilgan. Bu o‘tgan yilning shu davriga nisbatan 11,8 foizga ko‘pdir.

Eng ommabop model Chevrolet Cobalt bo‘lib qolmoqda. Bir chorakda ushbu rusumdagi 38,3 mingta avtomobil ishlab chiqarilgan, bu o‘tgan yilgi ko‘rsatkichdan deyarli 20 foizga yuqori.

Xitoy brendlari avtomobillari ishlab chiqarishi sezilarli darajada oshgan: BYD 1,7 baravarga, Haval esa bir yarim baravarga ko‘paygan. Koreyaning KIA brendi ham ijobiy dinamikani ko‘rsatib, ushbu marka avtomobillari ishlab chiqarishi 15,5 foizga oshgan.

Avvalroq, O‘zbekistonda ikkinchi qo‘l avtomobillar bozori 15 foizga qisqargani, bunga xaridorlarning elektromobillarga ommaviy o‘tishi sabab bo‘lgani xabar qilingan edi. Mutaxassislarning fikricha, bu yangi avtomobillarga qiziqish ortishi va ikkilamchi bozordagi talabning o‘zgarishi bilan bog‘liq.

Source: podrobno.uz