O‘zbekistonning 2023-yil birinchi choragidagi eksport hajmi 5,8 milliard dollarni tashkil etdi. Milliy statistika qo‘mitasi ma’lumotlariga ko‘ra, eng katta ulush Rossiyaga to‘g‘ri kelgan – 1,1 milliard dollar.

Ikkinchi o‘rinda Xitoy (641,7 million dollar), uchinchi o‘rinda Afg‘oniston (443,6 million dollar) joylashgan. Keyingi o‘rinlarni Fransiya, Qozog‘iston, Turkiya va BAA egallagan.

Eksport yo‘nalishlari orasida Markaziy Osiyo davlatlari – Qirg‘iziston va Tojikiston ham bor. Bu O‘zbekistonning asosiy savdo hamkorlari qo‘shni davlatlar va an’anaviy yirik bozorlar ekanini ko‘rsatadi.

Savdo-sanoat palatasi Afg‘oniston bozorini istiqbolli deb baholamoqda. Agar hozirgi dinamika saqlansa, yaqin kelajakda ushbu mamlakatga eksport hajmi yarim milliard dollardan oshishi mumkin.

Source: podrobno.uz