O‘zbekistonlik UFC jangchisi Bogdan Guskov navbatdagi jangini tashkilotning sobiq chempioni, rossiyalik Magomed Ankalayevga qarshi o‘tkazadi.

Xalil Rauntri jarohat tufayli 25 iyul kuni Etihad Arenada bo‘lib o‘tadigan UFC turnirining asosiy jangida qatnasha olmaydi. Uning o‘rniga yarim og‘ir vazn toifasida birinchi raqam ostida turgan Magomed Ankalayevga qarshi oktagonga O‘zbekiston vakili Bogdan Guskov chiqadi. Guskov hozirda divizionda 10-o‘rinni egallab turibdi.

Guskovning faoliyatida 18 ta g‘alaba bor, ularning barchasi muddatidan oldin qo‘lga kiritilgan, shundan 13 tasi birinchi raundda yakunlangan. O‘zbekistonlik jangchi uchun bu jang UFC doirasidagi ilk main event bo‘ladi.

Bogdan Guskov so‘nggi jangini 2025 yil dekabr oyida UFC 323 turnirida Yan Blaxovichga qarshi o‘tkazgan edi, uchrashuv durang bilan yakunlandi. Ularning revansh jangi dastlab 1 avgust kuni UFC Fight Night turnirida rejalashtirilgan edi. Amerikalik promoushenda O‘zbekiston vakili 6 ta jang o‘tkazib, 4 ta g‘alaba, 1 ta mag‘lubiyat va 1 ta durang qayd etgan.

Uning bo‘lajak raqibi Magomed Ankalayev oktagonga 2025 yil oktabr oyida UFC 320 turnirida chiqdi. O‘shanda u Aleks Pereyrani texnik nokaut bilan birinchi raundda mag‘lub etib, chempionlik kamarini qo‘lga kiritgan edi. Professional faoliyati davomida Magomed Ankalayev 24 ta jang o‘tkazib, 20 ta g‘alaba, 2 ta mag‘lubiyat, 1 ta durang va 1 ta haqiqiy emas deb topilgan jang qayd etgan.

Source: podrobno.uz