O‘zbekiston 2027 yilda o‘smirlar (17 yoshgacha) o‘rtasidagi Osiyo Kubogiga mezbonlik qilish huquqini qo‘lga kiritdi. Bu qaror Osiyo Futbol Konfederatsiyasi (OFK) Ijroiya qo‘mitasi tomonidan qabul qilindi.

2029 yildagi navbatdagi turnir Saudiya Arabistonida o‘tkaziladi. Shuningdek, Ijroiya qo‘mitasi yana bir qancha yirik musobaqalarning mezbonlarini aniqladi.

2028 yilda 23 yoshgacha bo‘lgan terma jamoalar o‘rtasidagi Osiyo Kubogi Yaponiyada bo‘lib o‘tadi. Ushbu turnir Los-Anjeles Olimpiadasiga yo‘llanma olish uchun saralash vazifasini o‘taydi.

OFK bir qator musobaqalar formatiga o‘zgartirishlar kiritdi. Xususan, 2026/2027 mavsumdan boshlab Osiyo Chempionlar Ligasi 32 ta ishtirokchiga kengaytiriladi. O‘zgarishlar 20 yoshgacha bo‘lgan Osiyo Kubogiga saralash tizimiga ham ta’sir qiladi.

Avvalroq FIFA 2026 yilgi jahon chempionatining eng chiroyli goli uchun ovoz berish yakunlarini e’lon qilgan edi. Unda O‘zbekiston terma jamoasi sardori Eldor Shomurodov ikkinchi o‘rinni egalladi.

Source: podrobno.uz