Toshkentning besh tumanida aholi deyarli bir sutka davomida sovuq suvsiz qoladi. 3-avgust kuni soat 10:00 dan 4-avgust kuni soat 10:00 gacha bo'lgan vaqt oralig'ida Mirzo Ulug'bek, Yashnobod, Mirobod, Chilonzor va Yakkasaroy tumanlarining ayrim hududlarida suv ta'minoti vaqtincha to'xtatiladi.

Bu vaqtda 22 ta mahalla, 884 ta ko'p qavatli uy, 7006 ta xususiy uy, 242 ta davlat va ijtimoiy muassasa, shuningdek, 33 017 nafar aholi markazlashgan suv ta'minotisiz qoladi. Suv ta'minoti uzilishi aholi uchun jiddiy noqulayliklar tug'dirishi kutilmoqda.

Aholi va ijtimoiy ob'ektlar uchun ichimlik suvi avtosisternalar orqali yetkaziladi. Ular 11:00 dan boshlab tasdiqlangan jadval bo'yicha ishlaydi. Suv mahallalar, turar-joy massivlari, maktablar, bolalar bog'chalari, shifoxonalar, oliy o'quv yurtlari, davlat muassasalari va diplomatik vakolatxonalarga yetkaziladi.

Shahar suv ta'minoti korxonasi ma'lumotlariga ko'ra, suv o'chirish Mirzo Ulug'bek tumanidagi suv taqsimlash inshootida rejali profilaktika ishlari bilan bog'liq. Shu vaqt ichida mutaxassislar beshta magistral zadvijkalarni almashtiradi, bu esa tarmoqlardagi bosimni normallashtirish, suv ta'minoti tizimining ishonchliligini oshirish va avariyalar xavfini kamaytirish imkonini beradi.

Shahar aholisiga oldindan kerakli miqdorda ichimlik suvi zaxiralash tavsiya etiladi. Suv yetkazib beriladigan manzillarning to'liq ro'yxati shahar suv ta'minoti korxonasi saytida e'lon qilingan.

Source: podrobno.uz