Toshkent metrosi 14-sentabr kuni 1 165 550 yo‘lovchini tashidi va bu kunlik rekord sifatida tarixda qoldi. Avvalgi eng yuqori ko‘rsatkich 8-mayda qayd etilgan bo‘lib, o‘shanda metro xizmatlaridan 1 117 061 kishi foydalangan edi. Metro ma’muriyati ushbu yubiley yo‘lovchisini rag‘batlantirish niyatida.

Yo‘lovchilar oqimining o‘sishi mamlakatdagi barcha oliy ta’lim muassasalarida yangi o‘quv yilining boshlanishi bilan bog‘liq. Mutaxassislar ushbu tendentsiya oktyabr oyida ham davom etishini va kunlik yo‘lovchilar soni 1,2 millionga yetishi mumkinligini taxmin qilmoqdalar.

Aynan 1 200 000-yo‘lovchini poytaxt metrosida taqdirlash rejalashtirilgan. Unga maxsus imtiyoz yoki sovg‘a taqdim etiladi. Tashabbus ramziy rag‘batlantirish sifatida qaralmoqda.

Bundan tashqari, vagon deposiga 2026-yil davomida sotib olinishi rejalashtirilgan barcha 14 ta zamonaviy tarkib yetkazib berilgan. Metropolitenda ta’kidlashlaricha, poyezdlar harakati haqiqiy yo‘lovchilar oqimiga qarab tuzatilmoqda.

Avvalroq ma’lum qilinishicha, 14-sentabr kuni ertalab Toshkent metrosi besh soat ichida qariyb 290 ming yo‘lovchini tashigan. O‘quv yili boshlanishi munosabati bilan eng gavjum soatlarda poyezdlar orasidagi intervallar qisqartirilgan edi.

Source: podrobno.uz