Toshkentda Prezident administratsiyasi rahbari Saida Mirziyoyeva boshchiligida yig‘ilish bo‘lib o‘tdi, unda yaqin kelajakda amalga oshirilishi rejalashtirilgan ustuvor yo‘nalishlar va yirik loyihalar muhokama qilindi. Bu haqda Podrobno.uz xabar bermoqda.

Saida Mirziyoyevaning so‘zlariga ko‘ra, bunday muhokamalar muntazam ravishda o‘tkazib kelinadi. Jamoa har bir masalani chuqur o‘rganib, dolzarb muammolarni tahlil qiladi, turli xil yechim variantlarini ko‘rib chiqadi va eng samarali yo‘lni tanlaydi. "Ustuvorliklarni belgilaymiz, o‘tkir masalalarni tahlil qilamiz, turli yechimlarni taklif qilamiz va eng yaxshi natija beradiganlarini tanlaymiz", — dedi u.

Mirziyoyeva ta’kidlashicha, masalalar butun jamoa tomonidan batafsil muhokama qilinadi. Bu ularni har tomonlama ko‘rib chiqish, yangi imkoniyatlarni aniqlash va eng mos yondashuvlarni tanlash imkonini beradi. Muhokama yakunlari bo‘yicha aniq vazifalar belgilanadi va takliflar shakllantiriladi.

Shundan so‘ng, ishlab chiqilgan takliflar O‘zbekiston Prezidentiga taqdim etiladi. Qayd etish joizki, bu kabi yig‘ilishlar davlat boshqaruvida shaffoflikni oshirish va strategik qarorlar qabul qilishda jamoaviy yondashuvni ta’minlashga qaratilgan.

Source: podrobno.uz