️ O‘zbekistonda umumiy quvvati 2,2 ming megavatt bo‘lgan oltita quyosh va shamol elektr stansiyasini ochiq tanlovlar asosida joylashtirish rejalashtirilmoqda. Bu haqda yoqilg‘i-energetika sohasi investorlari bilan o‘tkazilgan ochiq muloqot davomida ma'lum qilindi, deb xabar beradi rasmiy manbalar.

️ Qayd etilishicha, yashil energetikaning boshlang‘ich bosqichida stansiyalarning joylashuvi ko‘p jihatdan investorlarning takliflariga tayanib belgilangan edi. Natijada ba'zi tumanlarda generatsiya quvvatlari bir joyda to‘planib qolgan va bu elektr energiyasini boshqa hududlarga uzatish bo‘yicha qo‘shimcha xarajatlarni keltirib chiqargan.

️ Endilikda har bir hudud uchun zarur bo‘lgan quvvat miqdori oldindan aniqlanib, shundan so‘ng tayyor loyihalar ochiq tanlovlarga taqdim etilishi ko‘zda tutilmoqda. Tanlov hujjatlarida yer uchastkasining aniq maydoni, elektr tarmog‘iga ulanish nuqtasi, loyihani amalga oshirish muddatlari hamda elektr energiyasini sotib olish shartlari to‘liq ko‘rsatilishi shart.

️ Shuningdek, 2050 yilgacha mo‘ljallangan Milliy energetika rivojlanish bosh rejasi ishlab chiqilishi rejalashtirilgan. Kelgusi yilning 1 martiga qadar elektr tarmoqlariga ulanish imkoniyatlari xaritasi, 1 iyulga qadar эsa to‘liq bosh reja taqdim etilishi kerak.

Source: podrobno.uz