Qashqadaryo viloyatidagi «Sulton Tex Group» korxonasida mamlakatimiz rahbari Shavkat Mirziyoyevga yashil iqtisodiyotni rivojlantirishga qaratilgan navbatdagi loyihalar taqdim etildi. Jumladan, tashrif doirasida yetakchi LONGi kompaniyasining eng so‘nggi ishlanmasi bo‘lgan Hi-MO X10 modullari asosida o‘rnatilgan innovatsion quyosh panellari yig‘ilganlarga yaqindan tanishtirildi.

Mutaxassislarning ta'kidlashicha, mazkur ilg‘or qurilmalar nafaqat bino tomlariga, balki uning devorlariga ham samarali tarzda o‘rnatilgan bo‘lib, energiya ishlab chiqarish koeffitsiyentini sezilarli darajada oshiradi. Bu esa o‘z navbatida yirik sanoat korxonalariga elektr energiyasi uchun qilinadigan harajatlarni sezilarli darajada qisqartirish imkonini berishi kutilmoqda.

Ma'lumot o'rnida qayd etish joizki, mamlakatimizda energiya tejovchi texnologiyalarni joriy etish borasidagi sa'y-harakatlar izchil davom etmoqda. Shunga qaramay, bunday loyihalarning amaldagi samaradorligi va iqtisodiy foydasi kelgusida to'liq o'zini oqlashi uchun qo'shimcha infratuzilma va vaqt talab etilishi mutaxassislar tomonidan alohida ta'kidlab o'tilmoqda.

Source: kun.uz